Italiyaning «Bolonya» klubiga tegishli bo‘lgan 26 yoshli hujumchi Jonatan Rou tumanli Albionga (Angliyaga) ko‘chib o‘tishi mumkin. Bu haqda Teamtalk jurnalistlari xabar bermoqda. Manbaning ma’lum qilishicha, «Manchester Yunayted» hujumchining transferiga jiddiy qiziqish bildirmoqda.
Italiya tomoni, o‘z navbatida, agar Rou uchun taxminan 40–45 million yevro taklif qilinsa, uni qo‘yib yuborishga tayyor. «Qizil iblislar»dan tashqari, Londonning «Chelsi» klubi ham futbolchini o‘z safiga qo‘shib olishni istamoqda. 2025/2026 yilgi mavsumda Jonatan 42 ta uchrashuvda maydonga tushib, o‘z hisobiga 8 ta gol va 4 ta golli uzatmani yozdirib qo‘ydi. Uning «Bolonya» bilan shartnomasi 2029 yilning o‘rtalariga qadar mo‘ljallangan.
