Италиянинг «Болонья» клубига тегишли бўлган 26 ёшли ҳужумчи Жонатан Роу туманли Альбионга (Англияга) кўчиб ўтиши мумкин. Бу ҳақда Teamtalk журналистлари хабар бермоқда. Манбанинг маълум қилишича, «Манчестер Юнайтед» ҳужумчининг трансферига жиддий қизиқиш билдирмоқда.
Италия томони, ўз навбатида, агар Роу учун тахминан 40–45 миллион евро таклиф қилинса, уни қўйиб юборишга тайёр. «Қизил иблислар»дан ташқари, Лондоннинг «Челси» клуби ҳам футболчини ўз сафига қўшиб олишни истамоқда. 2025/2026 йилги мавсумда Жонатан 42 та учрашувда майдонга тушиб, ўз ҳисобига 8 та гол ва 4 та голли узатмани ёздириб қўйди. Унинг «Болонья» билан шартномаси 2029 йилнинг ўрталарига қадар мўлжалланган.
