«Chelsi» vingeri Alexandro Garnacho Angliya Kubogi finali doirasida «Manchester Siti»ga qarshi kechadigan bo‘lajak bahs haqidagi fikrlari bilan o‘rtoqlashdi. Uchrashuv bugun «Uembli» stadionida bo‘lib o‘tadi va unga Toshkent vaqti bilan soat 19:00 da start beriladi.
«Bizni juda muhim o‘yin kutmoqda, barcha hayajonda. Biz hamma narsani to‘g‘ri bajarishga harakat qilamiz va umid qilamanki, klub uchun yana bir sovrinni qo‘lga kirita olamiz», – deya Alexandro Garnachoning so‘zlarini keltirmoqda «Chelsi» matbuot xizmati.
Eslatib o‘tamiz, ikki yil avval argentinalik futbolchi «Manchester Yunayted» tarkibida ushbu turnir g‘olibiga aylangan edi – o‘shanda finalda aynan «shaharliklar» mag‘lub etilgan (2:1) va gollardan biriga Garnachoning o‘zi mualliflik qilgan edi.
