«Челси» вингери Алехандро Гарначо Англия Кубоги финали доирасида «Манчестер Сити»га қарши кечадиган бўлажак баҳс ҳақидаги фикрлари билан ўртоқлашди. Учрашув бугун «Уэмбли» стадионида бўлиб ўтади ва унга Тошкент вақти билан соат 19:00 да старт берилади.
«Бизни жуда муҳим ўйин кутмоқда, барча ҳаяжонда. Биз ҳамма нарсани тўғри бажаришга ҳаракат қиламиз ва умид қиламанки, клуб учун яна бир совринни қўлга кирита оламиз», – дея Алехандро Гарначонинг сўзларини келтирмоқда «Челси» матбуот хизмати.
Эслатиб ўтамиз, икки йил аввал аргентиналик футболчи «Манчестер Юнайтед» таркибида ушбу турнир ғолибига айланган эди – ўшанда финалда айнан «шаҳарликлар» мағлуб этилган (2:1) ва голлардан бирига Гарначонинг ўзи муаллифлик қилган эди.
