«Liverpul» markaziy himoyachisi Jo Gomes — «Milan»ning potensial transfer maqsadiga aylandi. Ingliz futbolchisi o‘tgan yozdayoq «rossoneri» safiga borib qo‘shilishi mumkin edi, biroq mersisaydliklar Mark Gexining transferi barbod bo‘lgani sababli ushbu kelishuvni bekor qilishgandi.
Insayder Fabrisio Romanoning xabar berishicha, Gomesning vakillari «Milan» klubiga «Liverpul» bo‘lajak transfer oynasida futbolchini qo‘yib yuborishga to‘liq tayyor ekanligini ma’lum qilgan. Tez orada muzokaralar qayta tiklanishi mumkin.
Jo Gomes joriy mavsumda Arne Slot jamoasi safida 32 ta uchrashuvda maydonga tushib, o‘z hisobiga 2 ta golli uzatmani yozdirib qo‘ydi. Transfermarkt portali markaziy himoyachining narxini 15 million yevroga baholamoqda. Joriy yilning 23 may kuni futbolchi 29 yoshni qarshi oladi.
