Italiyaning «Bolonya» klubi ustozi Vinchenso Italyano jamoa hujumchisi — ingliz futbolchisi Jonatan Rouning salohiyatini yuqori baholadi. Uning fikricha, futbolchi juda kuchli o‘yinchi bo‘lib yetishishi mumkin — biroq buning uchun bitta muhim shartga amal qilinishi lozim.
«Agar u mashg‘ulotlar ham xuddi rasmiy o‘yinlar kabi katta ahamiyat va shiddatga ega ekanligini tushunib yetsa, haqiqiy chempionga aylanishi mumkin. Bu uning uchun oldinga tashlangan muhim qadam bo‘ladi», — deya Italyanoning so‘zlarini keltiradi derbyderbyderby.it portali.
Eslatib o‘tamiz, ayni paytda «Bolonya» Italiya A Seriya turnir jadvalida sakkizinchi o‘rinni egallab turibdi. Navbatdagi turda klub Bergamoning «Atalanta» jamoasiga qarshi maydonga tushadi.
