Италиянинг «Болонья» клуби устози Винченцо Итальяно жамоа ҳужумчиси — инглиз футболчиси Жонатан Роунинг салоҳиятини юқори баҳолади. Унинг фикрича, футболчи жуда кучли ўйинчи бўлиб етишиши мумкин — бироқ бунинг учун битта муҳим шартга амал қилиниши лозим.

«Агар у машғулотлар ҳам худди расмий ўйинлар каби катта аҳамият ва шиддатга эга эканлигини тушуниб етса, ҳақиқий чемпионга айланиши мумкин. Бу унинг учун олдинга ташланган муҳим қадам бўлади», — дея Итальянонинг сўзларини келтиради derbyderbyderby.it портали.

Эслатиб ўтамиз, айни пайтда «Болонья» Италия А Серия турнир жадвалида саккизинчи ўринни эгаллаб турибди. Навбатдаги турда клуб Бергамонинг «Аталанта» жамоасига қарши майдонга тушади.