Shanba kuni «Rasing» o‘z maydonida «Valyadolid»ni 4:1 hisobida mag‘lub etdi. Ushbu natija tufayli Santander jamoasi Ispaniya ikkinchi divizionida top-2 dan joy olishini kafolatladi. Bu «Rasing»ning yuqori divizionga yo‘llanma olganini anglatadi. Keyingi mavsumda jamoa Ispaniyaning eng kuchli klublari bilan kuch sinashadi.
«Rasing» anchadan beri Ispaniyaning elita divizionida ishtirok etmayotgan edi. Jamoa bundan 14 yil avval — 2011/2012 yilgi mavsum yakunlariga ko‘ra La Ligani (Primera) tark etgandi.
Ispaniyaning yuqori divizioniga beriladigan ikkinchi to‘g‘ridan-to‘g‘ri yo‘llanma uchun kurash esa hali davom etmoqda. Hozirda «Deportivo» turnir jadvalida eng yaxshi imkoniyatga ega bo‘lib turibdi, biroq yana bir qator jamoalar ham kuchli ikkilikka kirish imkoniyatini saqlab qolishgan.
