Gregor Kobel Bundesligada mavsumning eng yaxshi darvozaboni bo‘ldi.

Dortmundning «Borussiya» klubi posboni chempionatda 15 ta uchrashuvni «quruq» o‘tkazdi — bu turnirdagi eng yaxshi ko‘rsatkichdir. Ikkinchi o‘rinni «Borussiya Myonxengladbax» darvozaboni Morits Nikolas egalladi — u 13 ta o‘yinda o‘z darvozasi daxlsizligini saqlab qoldi.

Kobel bu natijasi bilan Dortmund klubining rekordini takrorladi — 2011/12 yilgi mavsumda Roman Vaydenfeller ham Bundesligada 15 ta o‘yinni gol o‘tkazib yubormasdan yakunlagan edi.