«Liverpul» vingeri Federiko Kyeza yozgi transfer oynasida sotib yuborilishi mumkin. Avvalgi yillarda bo‘lgani kabi, italiyalik futbolchining yana o‘z vataniga qaytishi haqidagi xabarlar faollashmoqda.

Calciomercato nashrining ma’lumotlariga ko‘ra, «qizillar» 28 yoshli futbolchini taxminan 25 million yevroga sotishga tayyor. Vaziyatni A Seriyaning ikki grandi — «Yuventus» va «Napoli» diqqat bilan kuzatib bormoqda.

Federiko Kyeza 2024 yilning avgust oyida aynan «Yuventus»dan «Liverpul»ga o‘tgan edi, biroq o‘shanda mersisaydliklarga ancha arzonga — 12 million yevroga tushgandi. Joriy mavsumda futbolchi Arne Slot jamoasi safinda barcha turnirlarda 36 ta uchrashuvda maydonga tushib, 3 ta gol va 3 ta golli uzatmaga mualliflik qildi.