Huquqlari Kiyevning «Dinamo» klubiga tegishli bo‘lgan hujumchi Matvey Ponomarenko tumanli Albionga ko‘chib o‘tishi mumkin, bu haqda skaut Emir xabar bermoqda. Insayderning ijtimoiy tarmoqlarda ma’lum qilishicha, ukrainalik hujumchining transferiga bir yo‘la ikkita klub qiziqish bildirmoqda. Gap «Brentford» va «Bornmut» klublari haqida bormoqda.
Har ikki klub ham futbolchining o‘yinlarini diqqat bilan kuzatib bormoqda va shu yozda uni sotib olishga harakat qilib ko‘rishi mumkin. Ehtimoliy transfer summasi 20 million yevroga baholanmoqda.
2025/2026 yilgi mavsumda Ponomarenko Ukraina Premyer-ligasi doirasida 14 ta uchrashuvda maydonga tushdi. Hujumchi ushbu bahslarda o‘z hisobiga 12 ta gol yozdirib qo‘yishga muvaffaq bo‘ldi.
