Ҳуқуқлари Киевнинг «Динамо» клубига тегишли бўлган ҳужумчи Матвей Пономаренко туманли Альбионга кўчиб ўтиши мумкин, бу ҳақда скаут Эмир хабар бермоқда. Инсайдернинг ижтимоий тармоқларда маълум қилишича, украиналик ҳужумчининг трансферига бир йўла иккита клуб қизиқиш билдирмоқда. Гап «Брентфорд» ва «Борнмут» клублари ҳақида бормоқда.
Ҳар икки клуб ҳам футболчининг ўйинларини диққат билан кузатиб бормоқда ва шу ёзда уни сотиб олишга ҳаракат қилиб кўриши мумкин. Эҳтимолий трансфер суммаси 20 миллион еврога баҳоланмоқда.
2025/2026 йилги мавсумда Пономаренко Украина Премьер-лигаси доирасида 14 та учрашувда майдонга тушди. Ҳужумчи ушбу баҳсларда ўз ҳисобига 12 та гол ёздириб қўйишга муваффақ бўлди.
