Italiyalik mutaxassis Andrea Maldera Ukraina terma jamoasi bosh murabbiyi lavozimini egalladi. Bu haqda Ukraina futbol assosiasiyasi matbuot xizmati xabar bermoqda.
Xorijlik murabbiy milliy jamoa boshqaruvida Sergey Rebrovning o‘rnini egalladi. Malderaning «sariq-ko‘klar» bilan tuzilgan mehnat shartnomasi ikki yilga mo‘ljallangan bo‘lib, uni uzaytirish imkoniyati mavjud.
Ta’kidlash joizki, mutaxassis 2016 yildan 2021 yilgacha Andrey Shevchenkoning murabbiylar shtabida faoliyat yuritgan. Klublar miqyosida esa Maldera «Milan», «Marsel» va «Brayton» jamoalarida bosh murabbiy yordamchisi sifatida ishlagan.
Ukraina terma jamoasi o‘tish o‘yinida Shvesiyaga 1:3 hisobida imkoniyatni boy berib, 2026 yilgi Jahon chempionatiga chiqa olmagan edi.













