Италиялик мутахассис Андреа Мальдера Украина терма жамоаси бош мураббийи лавозимини эгаллади. Бу ҳақда Украина футбол ассоциацияси матбуот хизмати хабар бермоқда.
Хорижлик мураббий миллий жамоа бошқарувида Сергей Ребровнинг ўрнини эгаллади. Мальдеранинг «сариқ-кўклар» билан тузилган меҳнат шартномаси икки йилга мўлжалланган бўлиб, уни узайтириш имконияти мавжуд.
Таъкидлаш жоизки, мутахассис 2016 йилдан 2021 йилгача Андрей Шевченконинг мураббийлар штабида фаолият юритган. Клублар миқёсида эса Мальдера «Милан», «Марсель» ва «Брайтон» жамоаларида бош мураббий ёрдамчиси сифатида ишлаган.
Украина терма жамоаси ўтиш ўйинида Швецияга 1:3 ҳисобида имкониятни бой бериб, 2026 йилги Жаҳон чемпионатига чиқа олмаган эди.
