«Barselona» bosh murabbiy Xans-Diter Flik mahalliy vaqt bilan 18 may kuni soat 14:00 da klub bilan yangi shartnoma imzolashini tasdiqladi. Marosim klub prezidenti Joan Laportaning ofisida yopiq formatda bo‘lib o‘tadi, deb xabar bermoqda Marca.
Avvalroq tomonlar hamkorlikni uzaytirish bo‘yicha og‘zaki kelishuvga erishgan edilar. Germaniyalik mutaxassis 2028 yilning iyun oyigacha mo‘ljallangan, yana bir mavsumga uzaytirish imkoniyati bo‘lgan kelishuvga qo‘l qo‘yishi kutilmoqda.
Klub va murabbiy o‘rtasidagi muzokaralar hech qanday murakkabliklarsiz o‘tdi. Flik Barselonadagi hayotidan va jamoa bilan ishlashdan mamnun, rahbariyat esa ikki mavsum ichida 5 ta turnirda g‘olib chiqqan murabbiyga to‘liq ishonch bildirmoqda.
Shartnoma imzolanishidan avval Flik Rafa Yuste va Ronald Arauxo hamrohligida klub muzeyiga tashrif buyuradi. U yerda jamoa tomonidan joriy mavsumda qo‘lga kiritilgan ikkita kubokni muzeyga topshirish marosimi bo‘lib o‘tadi.
