«Liverpul» klubiga egalik qiluvchi Amerikaning Fenway Sports Group (FSG) investisiya kompaniyasi rahbariyati Xabi Alonsoning Madridning «Real» klubidan taklif kutish maqsadida ingliz klubida ishlashdan bosh tortganidan norozi bo‘lgan.
The Telegraph nashri xabariga ko‘ra, FSG rahbariyati Yurgen Klopp ketganidan keyin Alonsoni taklif qilishni rejalashtirgan edi, biroq ispaniyalik mutaxassis ushbu taklifni rad etgan. Klub rahbariyati murabbiyning o‘shanda «Real»ni boshqarish imkoniyatini kutishni afzal ko‘rganini salbiy qabul qilgan.
Eslatib o‘tamiz, 17 may kuni «Chelsi» Alonso yangi bosh murabbiy etib tayinlanganini rasman e’lon qildi. Klopp «Liverpul»ni 2024 yilning 30 iyunida tark etgan edi, Alonso esa 2025 yilning 1 iyunida «Real» boshqaruviga kelgandi. Avvalroq matbuotda, agar Arne Slot iste’foga chiqarilsa, Alonso «Liverpul»da uning o‘rnini egallashi mumkinligi haqida mish-mishlar tarqalgan edi, biroq bu amalga oshmadi.
