«Ливерпуль» клубига эгалик қилувчи Американинг Fenway Sports Group (FSG) инвестиция компанияси раҳбарияти Хаби Алонсонинг Мадриднинг «Реал» клубидан таклиф кутиш мақсадида инглиз клубида ишлашдан бош тортганидан норози бўлган.
The Telegraph нашри хабарига кўра, FSG раҳбарияти Юрген Клопп кетганидан кейин Алонсони таклиф қилишни режалаштирган эди, бироқ испаниялик мутахассис ушбу таклифни рад этган. Клуб раҳбарияти мураббийнинг ўшанда «Реал»ни бошқариш имкониятини кутишни афзал кўрганини салбий қабул қилган.
Эслатиб ўтамиз, 17 май куни «Челси» Алонсо янги бош мураббий этиб тайинланганини расман эълон қилди. Клопп «Ливерпуль»ни 2024 йилнинг 30 июнида тарк этган эди, Алонсо эса 2025 йилнинг 1 июнида «Реал» бошқарувига келганди. Аввалроқ матбуотда, агар Арне Слот истеъфога чиқарилса, Алонсо «Ливерпуль»да унинг ўрнини эгаллаши мумкинлиги ҳақида миш-мишлар тарқалган эди, бироқ бу амалга ошмади.
