Fransiya chempionati yakunlandi. Faqat muxlislar tufayli to‘xtatib qolingan «Nant» — «Tuluza» uchrashuvi oxiriga yetkazilmadi. Quyi ligaga tushib ketgan «kanarlar»ga tez orada texnik mag‘lubiyat yozilishi kutilmoqda. Umuman olganda, bu o‘yin taqdiri tashkiliy qo‘mita xonalarida hal qilinadi.

Qayd etish joizki, Esteban Lepol Fransiya chempionatining eng yaxshi to‘purariga aylandi. Hujumchi 21 ta gol urishga muvaffaq bo‘ldi. U ushbu gollardan birini o‘tgan yoz oxirida «Renn»ga o‘tishdan oldin «Anje» safida kiritgan edi.

Qizig‘i shundaki, «PSJ» vakillari orasida Liga 1 da eng sermahsul o‘yinchi Bredli Barkolya bo‘ldi. U 11 ta gol bilan to‘purarlar reytingida sakkizinchi o‘rinni oldi.