Франция чемпионати якунланди. Фақат мухлислар туфайли тўхтатиб қолинган «Нант» — «Тулуза» учрашуви охирига етказилмади. Қуйи лигага тушиб кетган «канарлар»га тез орада техник мағлубият ёзилиши кутилмоқда. Умуман олганда, бу ўйин тақдири ташкилий қўмита хоналарида ҳал қилинади.

Қайд этиш жоизки, Эстебан Леполь Франция чемпионатининг энг яхши тўпурарига айланди. Ҳужумчи 21 та гол уришга муваффақ бўлди. У ушбу голлардан бирини ўтган ёз охирида «Ренн»га ўтишдан олдин «Анже» сафида киритган эди.

Қизиғи шундаки, «ПСЖ» вакиллари орасида Лига 1 да энг сермаҳсул ўйинчи Брэдли Барколья бўлди. У 11 та гол билан тўпурарлар рейтингида саккизинчи ўринни олди.