Turkiyalik yarim himoyachi Arda Gyuler Dani Karvaxal Madridning «Real» klubini tark etayotganiga munosabat bildirib, unga o‘z murojaatini yo‘lladi. Bu haqda AS nashri xabar bermoqda.
«Futbol tarixidagi eng yaxshi o‘ng qanot himoyachisiga. Sendek afsona bilan bir maydonda to‘p tepish men uchun sharaf bo‘ldi. Har bir o‘yinda g‘alaba qozonishga bo‘lgan ishtiyoqing va hatto mashg‘ulotlarda ham mag‘lubiyatni tan olmaydigan mentaliteting menga ko‘p narsani o‘rgatdi, «Real» o‘yinchisi bo‘lish nimani anglatishini ko‘rsatib berdi. Yetakchilik, kamtarlik va ehtiros uchun rahmat. Seni juda sog‘inaman», — deb yozadi Gyuler.
Karvaxal mavsum yakunida Madrid klubini erkin agent sifatida tark etadi. 34 yoshli himoyachi «Real» tarbiyalanuvchisi va ushbu jamoa tarixidagi eng ko‘p sovrin yutingan futbolchilardan biri hisoblanadi.
