Туркиялик ярим ҳимоячи Арда Гюлер Дани Карвахаль Мадриднинг «Реал» клубини тарк этаётганига муносабат билдириб, унга ўз мурожаатини йўллади. Бу ҳақда AS нашри хабар бермоқда.
«Футбол тарихидаги энг яхши ўнг қанот ҳимоячисига. Сендек афсона билан бир майдонда тўп тепиш мен учун шараф бўлди. Ҳар бир ўйинда ғалаба қозонишга бўлган иштиёқинг ва ҳатто машғулотларда ҳам мағлубиятни тан олмайдиган менталитетинг менга кўп нарсани ўргатди, «Реал» ўйинчиси бўлиш нимани англатишини кўрсатиб берди. Етакчилик, камтарлик ва эҳтирос учун раҳмат. Сени жуда соғинаман», — деб ёзади Гюлер.
Карвахаль мавсум якунида Мадрид клубини эркин агент сифатида тарк этади. 34 ёшли ҳимоячи «Реал» тарбияланувчиси ва ушбу жамоа тарихидаги энг кўп соврин ютинган футболчилардан бири ҳисобланади.
