«Pari Sen-Jermen» klubi «Portu» darvozaboni Diogu Koshtani sotib olishni jiddiy maqsad qilgan va allaqachon futbolchining atrofidagilar hamda Portugaliya klubi bilan muzokaralarni faollashtirdi. Bu haqda Mercado Azul nashri xabar bermoqda.
Manba bergan ma’lumotlarga ko‘ra, Fransiya klubi vakillari so‘nggi kunlarda bir nechta uchrashuvlar o‘tkazishgan va futbolchining shartnomasida ko‘rsatilgan 60 million yevrolik tovon pulini to‘lashga tayyor ekanliklarini bildirishgan.
«Portu» esa darvozabonni sotish niyatida emas va u bilan shartnoma muddatini uzaytirishga harakat qilmoqda. Yakuniy qaror Koshtaning o‘z qo‘lida qolmoqda. Futbolchi hozircha aniq javob bergani yo‘q va faoliyatini davom ettirishning barcha ehtimoliy variantlarini baholamoqda.
