«Arsenal» klubi muddatidan oldin Angliya Premyer-ligasi g‘olibiga aylandi.
Mikel Arteta shogirdlari APL 37-turida «Manchester Siti»ning «Bornmut»ni mag‘lub eta olmaganidan so‘ng (1:1) chempionlik unvonini naqd qilishdi.
Bu londonliklar tarixidagi 14-chempionlik sovrinidir. Bungacha jamoa Angliya chempionatida 1930/31, 1932/33, 1933/34, 1934/35, 1937/38, 1947/48, 1952/53, 1970/71, 1988/89, 1990/91, 1997/98, 2001/02 va 2003/04 yilgi mavsumlarda zafar quchgan edi.
Milliy birinchilikdagi g‘alabalar soni bo‘yicha «Arsenal»dan faqat «Liverpul» va «Manchester Yunayted» jamoalarigina ustunlikka ega — ular hisobida 20 tadan bosh sovrin mavjud. «Manchester Siti» esa o‘z tarixida 10 marta chempionlik tojini kiygan.
