«Арсенал» клуби муддатидан олдин Англия Премьер-лигаси ғолибига айланди.
Микель Артета шогирдлари АПЛ 37-турида «Манчестер Сити»нинг «Борнмут»ни мағлуб эта олмаганидан сўнг (1:1) чемпионлик унвонини нақд қилишди.
Бу лондонликлар тарихидаги 14-чемпионлик совринидир. Бунгача жамоа Англия чемпионатида 1930/31, 1932/33, 1933/34, 1934/35, 1937/38, 1947/48, 1952/53, 1970/71, 1988/89, 1990/91, 1997/98, 2001/02 ва 2003/04 йилги мавсумларда зафар қучган эди.
Миллий биринчиликдаги ғалабалар сони бўйича «Арсенал»дан фақат «Ливерпуль» ва «Манчестер Юнайтед» жамоаларигина устунликка эга — улар ҳисобида 20 тадан бош соврин мавжуд. «Манчестер Сити» эса ўз тарихида 10 марта чемпионлик тожини кийган.
