«Arsenal» matbuot xizmati ijtimoiy tarmoqlarda jamoaning APL 2025/2026 yilgi mavsumidagi chempionligiga bag‘ishlangan suratni joylashtirdi.

«Arsenal» — Premyer-liga chempionlari!», — deyiladi London klubi xabarida.

Mavsum yakunlanishiga bir tur qolganda «Arsenal» 82 ochko bilan birinchi o‘rinni egallab turibdi. Yig‘ilgan ochkolar bo‘yicha 78 ochko bilan ikkinchi o‘rinda borayotgan «Manchester Siti» chempionlik uchun matematik imkoniyatlardan butunlay mahrum bo‘ldi.

Angliya Premyer-ligasining ortda qolgan 37 ta turida «Arsenal» 25 ta g‘alabaga erishdi, 7 bor durang o‘ynadi va 5 ta uchrashuvda mag‘lubiyat alamlarini tatib ko‘rdi. Mikel Arteta shogirdlari musobaqaning so‘nggi, 38-turida «Kristal Pelas» mehmoni bo‘lishadi. Uchrashuv 24 may kuni Londondagi «Selxerst Park» stadionida bo‘lib o‘tadi.