«Арсенал» матбуот хизмати ижтимоий тармоқларда жамоанинг АПЛ 2025/2026 йилги мавсумидаги чемпионлигига бағишланган суратни жойлаштирди.

«Арсенал» — Премьер-лига чемпионлари!», — дейилади Лондон клуби хабарида.

Мавсум якунланишига бир тур қолганда «Арсенал» 82 очко билан биринчи ўринни эгаллаб турибди. Йиғилган очколар бўйича 78 очко билан иккинчи ўринда бораётган «Манчестер Сити» чемпионлик учун математик имкониятлардан бутунлай маҳрум бўлди.

Англия Премьер-лигасининг ортда қолган 37 та турида «Арсенал» 25 та ғалабага эришди, 7 бор дуранг ўйнади ва 5 та учрашувда мағлубият аламларини татиб кўрди. Микель Артета шогирдлари мусобақанинг сўнгги, 38-турида «Кристал Пэлас» меҳмони бўлишади. Учрашув 24 май куни Лондондаги «Селхерст Парк» стадионида бўлиб ўтади.