Milanning «Inter» klubi bosh murabbiyi Kristian Kivu klub bilan shartnomasini uzaytiradi. «Neradzurrilar» ruminiyalik mutaxassis bilan yangi mehnat bitimi shartlari bo‘yicha to‘liq kelishuvga erishdi, deb xabar bermoqda jurnalist Andrea Paventi.
Shartnoma 2028 yilning yoziga qadar mo‘ljallanadi, shuningdek, unga shartnomani avtomatik tarzda yana bir yilga uzaytirish bandi ham kiritilgan. Agar biror bir kutilmagan vaziyat yuzaga kelmasa, klub keyingi haftada ushbu kelishuvni rasman e’lon qiladi. Kristian Kivu «Inter»dagi lavozimini o‘tgan yilning iyun oyidan buyon egallab kelmoqda. Murabbiy qo‘l ostidagi debyut mavsumida jamoa A Seriya va Italiya Kubogida g‘oliblikni qo‘lga kiritdi.
