«Al-Ahli» vingeri Riyod Marez 2018 yilda 67 million yevro evaziga «Manchester Siti»ga o‘tgan davrini va «Lester»dan qanday ketganini yodga oldi.
«Manchester Siti»ga o‘tishdan oldin ko‘plab jamoalar bilan muzokaralar olib borgandim. Men «Real», «Barselona» va «Manchester Yunayted» bilan gaplashganman, biroq «Lester» transferim uchun juda katta mablag‘ talab qilgan. Shartnomamda esa tovon puli haqidagi band yo‘q edi, shu sababli bu klublarga o‘ta olmaganman», — deya Marezning so‘zlaridan iqtibos keltiradi Madrid Extra nashri.
Joriy mavsumda Riyad Marez «Al-Ahli» safida barcha turnirlarda 44 ta uchrashuvda maydonga tushib, 8 ta gol urdi va 14 ta golli uzatmani amalga oshirdi. Uning Saudiya klubi bilan shartnomasi 2027 yilning 30 iyuniga qadar mo‘ljallangan.
