«Ал-Аҳли» вингери Риёд Марез 2018 йилда 67 миллион евро эвазига «Манчестер Сити»га ўтган даврини ва «Лестер»дан қандай кетганини ёдга олди.

«Манчестер Сити»га ўтишдан олдин кўплаб жамоалар билан музокаралар олиб боргандим. Мен «Реал», «Барселона» ва «Манчестер Юнайтед» билан гаплашганман, бироқ «Лестер» трансферим учун жуда катта маблағ талаб қилган. Шартномамда эса товон пули ҳақидаги банд йўқ эди, шу сабабли бу клубларга ўта олмаганман», — дея Марезнинг сўзларидан иқтибос келтиради Madrid Extra нашри.

Жорий мавсумда Рияд Марез «Ал-Аҳли» сафида барча турнирларда 44 та учрашувда майдонга тушиб, 8 та гол урди ва 14 та голли узатмани амалга оширди. Унинг Саудия клуби билан шартномаси 2027 йилнинг 30 июнига қадар мўлжалланган.