«Arsenal» klubi darvozabon Karl Xeynni «Verder»ga transfer qildi.

Germaniya klubi o‘tgan yozda Estoniya terma jamoasi posbonini ijaraga olgan edi. Endilikda Bremen klubi futbolchini 3 million yevro evaziga to‘liq sotib olish huquqidan (opsiyasidan) foydalandi va 24 yoshli futbolchi bilan 4 yillik shartnoma imzoladi. Bu haqda insayder Dominik Shnayder xabar bermoqda.

Xeyn 2025/26 yilgi mavsumda «Verder» safinda bor-yo‘g‘i 2 ta uchrashuvda maydonga tushdi — u «Bavariya»ga qarshi bahsda (0:4) darvozasini qo‘riqlagan bo‘lsa, «Sankt-Pauli» bilan o‘yinda (1:0) o‘z darvozasi daxlsizligini saqlab qolgan.