«Liverpul» matbuot xizmati klub rasmiy saytida muxlislar o‘rtasida o‘tkazilgan aprel oyining eng yaxshi futbolchisi so‘rovi yakunlarini e’lon qildi. Unga ko‘ra, qanot hujumchisi Muhammad Saloh g‘olib deb topildi.
O‘tgan oyda 33 yoshli misrlik futbolchi barcha musobaqalarda to‘rtta o‘yinda maydonga tushdi. Vinger «Everton»ga qarshi derbida gol urdi, shuningdek, «Fulxem» darvozasini ham ishg‘ol qildi. Saloh uchun bu joriy mavsumdagi birinchi «oyning eng yaxshi futbolchisi» sovrini bo‘ldi.
Eslatib o‘tamiz, futbolchi Angliya Premyer-ligasi joriy mavsumi yakunlangach, ingliz klubini tark etadi. Saloh mersisaydliklar safida to‘qqiz yil davomida to‘p tepgan. Angliya chempionati yakunlanishiga bir tur qolganda, Arne Slot jamoasi 59 ochko bilan turnir jadvalida beshinchi o‘rinda bormoqda.
