«Ливерпуль» матбуот хизмати клуб расмий сайтида мухлислар ўртасида ўтказилган апрель ойининг энг яхши футболчиси сўрови якунларини эълон қилди. Унга кўра, қанот ҳужумчиси Муҳаммад Салоҳ ғолиб деб топилди.
Ўтган ойда 33 ёшли мисрлик футболчи барча мусобақаларда тўртта ўйинда майдонга тушди. Вингер «Эвертон»га қарши дербида гол урди, шунингдек, «Фулхэм» дарвозасини ҳам ишғол қилди. Салоҳ учун бу жорий мавсумдаги биринчи «ойнинг энг яхши футболчиси» соврини бўлди.
Эслатиб ўтамиз, футболчи Англия Премьер-лигаси жорий мавсуми якунлангач, инглиз клубини тарк этади. Салоҳ мерсисайдликлар сафида тўққиз йил давомида тўп тепган. Англия чемпионати якунланишига бир тур қолганда, Арне Слот жамоаси 59 очко билан турнир жадвалида бешинчи ўринда бормоқда.
