«Manchester Yunayted» himoyachisi Xarri Maguayrning rafiqasi Fern Xokins erining Angliya terma jamoasining JCH-2026 uchun yakuniy qaydnomasidan joy olmaganiga ommaviy tarzda munosabat bildirdi. Avvalroq 33 yoshli Xarri mundialda muhim rol o‘ynashi mumkinligiga ishonchi komil edi.
«Sening mahzunligingdan qalbim chil-chil bo‘ldi. O‘z qadringni isbotlash uchun bundan ortiq hech narsa qila olmasding. Bir insonning fikri hamma narsani o‘zgartirib yuborgani achinarli. Sevgilim, doim sen bilanman», — deb yozdi Fern ijtimoiy tarmoqlarda.
Markaziy himoyachi Angliya terma jamoasi safida 60 dan ortiq o‘yin o‘tkazgan. Uning «Manchester Yunayted» bilan shartnomasi 2027 yil yozigacha amal qiladi. Joriy mavsumda Xarri APLda 22 ta o‘yin o‘tkazib, 1 ta gol va 2 ta golli uzatmani o‘z hisobiga yozdirib qo‘ydi.
