«Манчестер Юнайтед» ҳимоячиси Харри Магуайрнинг рафиқаси Ферн Хокинс эрининг Англия терма жамоасининг ЖЧ-2026 учун якуний қайдномасидан жой олмаганига оммавий тарзда муносабат билдирди. Аввалроқ 33 ёшли Харри мундиалда муҳим роль ўйнаши мумкинлигига ишончи комил эди.
«Сенинг маҳзунлигингдан қалбим чил-чил бўлди. Ўз қадрингни исботлаш учун бундан ортиқ ҳеч нарса қила олмасдинг. Бир инсоннинг фикри ҳамма нарсани ўзгартириб юборгани ачинарли. Севгилим, доим сен биланман», — деб ёзди Ферн ижтимоий тармоқларда.
Марказий ҳимоячи Англия терма жамоаси сафида 60 дан ортиқ ўйин ўтказган. Унинг «Манчестер Юнайтед» билан шартномаси 2027 йил ёзигача амал қилади. Жорий мавсумда Харри АПЛда 22 та ўйин ўтказиб, 1 та гол ва 2 та голли узатмани ўз ҳисобига ёздириб қўйди.
