Germaniya terma jamoasining sobiq hujumchisi Lukas Podolski faoliyatini yakunlashga qaror qildi. Bu haqda Polshaning «Gurnik» klubi o‘z ijtimoiy tarmoqlarida ma’lum qildi.

39 yoshli hujumchi yaqinda klub aksiyalarining 86 foizidan ko‘prog‘ini sotib olib, «Gurnik»ning asosiy egasiga aylangan edi. Endilikda Podolski bor e’tiborini jamoani maydon tashqarisida boshqarishga qaratadi. Klub tomonidan e’lon qilingan xayrlashuv videosida Podolski esdalik buyumlarini qutilarga solar ekan, qisqacha qilib: «Xo‘sh, yetarli», — deydi.

Podolski faoliyatidagi so‘nggi uchrashuvni 23 may kuni «Radomyak»ga qarshi o‘tkazadi. Hujumchi «Gurnik» safida 134 ta o‘yin o‘tkazib, 25 ta gol urdi va 22 ta golli uzatmani amalga oshirdi. Yakunlangan mavsumda u Polsha Kubogini qo‘lga kiritdi, biroq chempionlikka erisha olmadi.

Podolski — Germaniya terma jamoasi tarkibida 2014 yilgi Jahon chempioni hisoblanadi. U o‘z faoliyati davomida «Bavariya», «Arsenal» va boshqa bir qator klublarda ham to‘p tepgan.