Германия терма жамоасининг собиқ ҳужумчиси Лукас Подольски фаолиятини якунлашга қарор қилди. Бу ҳақда Польшанинг «Гурник» клуби ўз ижтимоий тармоқларида маълум қилди.

39 ёшли ҳужумчи яқинда клуб акцияларининг 86 фоизидан кўпроғини сотиб олиб, «Гурник»нинг асосий эгасига айланган эди. Эндиликда Подольски бор эътиборини жамоани майдон ташқарисида бошқаришга қаратади. Клуб томонидан эълон қилинган хайрлашув видеосида Подольски эсдалик буюмларини қутиларга солар экан, қисқача қилиб: «Хўш, етарли», — дейди.

Подольски фаолиятидаги сўнгги учрашувни 23 май куни «Радомяк»га қарши ўтказади. Ҳужумчи «Гурник» сафида 134 та ўйин ўтказиб, 25 та гол урди ва 22 та голли узатмани амалга оширди. Якунланган мавсумда у Польша Кубогини қўлга киритди, бироқ чемпионликка эриша олмади.

Подольски — Германия терма жамоаси таркибида 2014 йилги Жаҳон чемпиони ҳисобланади. У ўз фаолияти давомида «Бавария», «Арсенал» ва бошқа бир қатор клубларда ҳам тўп тепган.