Madridning «Real» klubi «Chelsi» yarim himoyachisi Enso Fernandesni o‘z safiga qo‘shib olish niyatida. The Independent nashriga ko‘ra, APL so‘nggi turi doirasidagi «Sanderlend»ga qarshi bahs argentinalik futbolchi uchun londonliklar safidagi so‘nggisi bo‘lishi mumkin.

25 yoshli yarim himoyachiga «Manchester Siti» ham qiziqish bildirmoqda. Biroq, barchasi Rodrining kelajagiga bog‘liq: agar madridliklar ispaniyalik futbolchini sotib olishga muvaffaq bo‘lishsa, Fernandes manchesterliklar uchun muqobil variant bo‘lib qoladi.

«Chelsi»da yarim himoyachining jamoadan ketishi ehtimoli kun sayin ortib borayotganini ta’kidlashmoqda. Bunga mavsum davomida futbolchining murabbiy Rozenyor qo‘l ostida asosiy tarkibdan joy ololmagani va umuman olganda, mavsumning og‘ir kechgani sabab bo‘lmoqda. London klubi muzokaralarga tayyor, biroq bir necha yil oldin «Benfika»ga Enso uchun to‘langan 121 million yevroni qaytarib olish juda qiyin bo‘lishini yaxshi tushunib turibdi.