Мадриднинг «Реал» клуби «Челси» ярим ҳимоячиси Энцо Фернандесни ўз сафига қўшиб олиш ниятида. The Independent нашрига кўра, АПЛ сўнгги тури доирасидаги «Сандерленд»га қарши баҳс аргентиналик футболчи учун лондонликлар сафидаги сўнггиси бўлиши мумкин.
25 ёшли ярим ҳимоячига «Манчестер Сити» ҳам қизиқиш билдирмоқда. Бироқ, барчаси Родрининг келажагига боғлиқ: агар мадридликлар испаниялик футболчини сотиб олишга муваффақ бўлишса, Фернандес манчестерликлар учун муқобил вариант бўлиб қолади.
«Челси»да ярим ҳимоячининг жамоадан кетиши эҳтимоли кун сайин ортиб бораётганини таъкидлашмоқда. Бунга мавсум давомида футболчининг мураббий Розенёр қўл остида асосий таркибдан жой ололмагани ва умуман олганда, мавсумнинг оғир кечгани сабаб бўлмоқда. Лондон клуби музокараларга тайёр, бироқ бир неча йил олдин «Бенфика»га Энцо учун тўланган 121 миллион еврони қайтариб олиш жуда қийин бўлишини яхши тушуниб турибди.
