Madridning «Real» klubi himoyachisi Antonio Ryudigerning kelajagi oydinlashdi. Mundo Deportivo jurnalistlarining xabar berishicha, «qirollik klubi» rahbariyati 33 yoshli futbolchi bilan yangi mehnat shartnomasini imzolashga qaror qildi.
Ryudigerning «qaymoqranglilar» bilan tuzadigan yangi bitimi kelasi yilning o‘rtalariga qadar amal qiladi. Tomonlar o‘rtasidagi amaldagi shartnoma muddati esa shu yoz tugaydi.
Antonio Madrid jamoasi safiga 2022 yilda kelib qo‘shilgan edi. Uning bozor qiymati 9 million yevroga baholanmoqda. Joriy mavsumda Ryudiger 26 ta uchrashuvda maydonga tushib, bitta golga mualliflik qildi.
