«Atletiko» bosh murabbiyi Diyego Simeone jahon futbolidagi eng yaxshi mutaxassislar haqida o‘z fikrlarini bildirib, Pep Gvardiolani alohida e’tirof etdi.
Simeonening ta’kidlashicha, futbol olamida ko‘plab iqtidorli murabbiylar bor va ular orasidan faqat uch nafarini tanlab olish juda qiyin.
«Karlo Anchelotti, Pep Gvardiola, Unai Emeri, Andoni Iraola, Xansi Flik... Men shunchaki biron kishini unutib qo‘yishni istamayman», — dedi argentinalik murabbiy.
Biroq, Simeone Gvardiolani o‘zgacha maqomda ko‘radi:
«Gvardiola, ehtimol, dunyodagi eng yaxshisidir. Uning doimiy ravishda o‘zgarish va g‘alaba qozonish qobiliyati hayratlanarli – bu eng muhim jihat. Unga kelgusi faoliyatida omad tilayman. U uzoq vaqt ishsiz qolishiga ishonmayman, chunki u haqiqiy futbol odami», – dedi Diyego Simeone.
Eslatib o‘tamiz, avvalroq Pep Gvardiola o‘n yillik faoliyatidan so‘ng «Manchester Siti» bosh murabbiyi lavozimini tark etishi ma’lum bo‘lgan edi.
