«Атлетико» бош мураббийи Диего Симеоне жаҳон футболидаги энг яхши мутахассислар ҳақида ўз фикрларини билдириб, Пеп Гвардиолани алоҳида эътироф этди.

Симеоненинг таъкидлашича, футбол оламида кўплаб иқтидорли мураббийлар бор ва улар орасидан фақат уч нафарини танлаб олиш жуда қийин.

«Карло Анчелотти, Пеп Гвардиола, Унаи Эмери, Андони Ираола, Ханси Флик... Мен шунчаки бирон кишини унутиб қўйишни истамайман», — деди аргентиналик мураббий.

Бироқ, Симеоне Гвардиолани ўзгача мақомда кўради:

«Гвардиола, эҳтимол, дунёдаги энг яхшисидир. Унинг доимий равишда ўзгариш ва ғалаба қозониш қобилияти ҳайратланарли – бу энг муҳим жиҳат. Унга келгуси фаолиятида омад тилайман. У узоқ вақт ишсиз қолишига ишонмайман, чунки у ҳақиқий футбол одами», – деди Диего Симеоне.

Эслатиб ўтамиз, аввалроқ Пеп Гвардиола ўн йиллик фаолиятидан сўнг «Манчестер Сити» бош мураббийи лавозимини тарк этиши маълум бўлган эди.