«Chelsi» sardori Ris Jeyms jamoaning yangi bosh murabbiyi Xabi Alonso haqida iliq fikrlarni bildirdi. Londonliklar 17 may kuni ispaniyalik mutaxassis bilan 2030 yilning yoziga qadar mo‘ljallangan shartnoma imzolanganini e’lon qilgan edi.
Sky Sports nashriga bergan intervyusida Jeyms yangi murabbiyning tajribasi jamoa uchun katta foyda berishiga ishonch bildirdi:
«Bu yangi bosqich. Xabi Alonso — ajoyib murabbiy. U futbolchilik davrida jahon darajasida o‘ynagan va ko‘plab titullarni qo‘lga kiritgan. Biz uning kelganidan xursandmiz. Menimcha, uning o‘tmishda eng yuqori darajada o‘ynagani hozirgi ishda juda katta yordam beradi, chunki u g‘alaba qozonish uchun nima kerakligini yaxshi biladi. Hammamiz bo‘lajak o‘zgarishlardan xursandmiz», — dedi Jeyms.
