«Челси» сардори Рис Жеймс жамоанинг янги бош мураббийи Хаби Алонсо ҳақида илиқ фикрларни билдирди. Лондонликлар 17 май куни испаниялик мутахассис билан 2030 йилнинг ёзига қадар мўлжалланган шартнома имзоланганини эълон қилган эди.
Sky Sports нашрига берган интервьюсида Жеймс янги мураббийнинг тажрибаси жамоа учун катта фойда беришига ишонч билдирди:
«Бу янги босқич. Хаби Алонсо — ажойиб мураббий. У футболчилик даврида жаҳон даражасида ўйнаган ва кўплаб титулларни қўлга киритган. Биз унинг келганидан хурсандмиз. Менимча, унинг ўтмишда энг юқори даражада ўйнагани ҳозирги ишда жуда катта ёрдам беради, чунки у ғалаба қозониш учун нима кераклигини яхши билади. Ҳаммамиз бўлажак ўзгаришлардан хурсандмиз», — деди Жеймс.
