«Liverpul»ning sobiq himoyachisi Yon-Arne Riise «Manchester Siti» hujumchisi Erling Holandning «Oltin to‘p»ni qo‘lga kiritish imkoniyatlari haqida o‘z fikrlarini bildirdi. Norvegiyalik forvard joriy mavsum APLda 35 ta o‘yinda 27 ta gol urishga muvaffaq bo‘ldi.
Riisening fikricha, Xoland bu nufuzli sovringa ancha avval loyiq ko‘rilishi kerak edi. Biroq hozirgi raqobat sharoitida norvegiyalik futbolchiga qiyinroq bo‘ladi:
«Hozir ko‘plab iqtidorli o‘yinchilar porlamoqda. Erling «Oltin to‘p»ni ikki yil oldin yutishi kerak edi. Agar u hozir bu sovrinni olmoqchi bo‘lsa, u o‘ynaydigan tizimda juda ko‘p gol urishi shart. Chunki Lamin Yamal va Maykl Olise kabi o‘yinchilar maydonda ko‘proq ko‘zga tashlanmoqda, ularning o‘yin uslubi muxlislarga ko‘proq yoqmoqda. Agar Erling ajoyib gollar urishda davom etsa, uni e’tiborsiz qoldirib bo‘lmaydi. Odamlar uning mavsumini «omadsiz» deb atashmoqda, lekin u hali ham aql bovar qilmaydigan darajada gol uryapti. Unga rekordlar kerak, ehtimol, APLning yangi rekordini o‘rnatishi lozim. Shundagina u «Oltin to‘p»ga ega chiqadi», – dedi Riise.
