«Minnesota Yunayted» klubi va Kolumbiya terma jamoasi yarim himoyachisi Xames Rodriges Myunxenning «Bavariya» jamoasida to‘p tepgan kezlarini yodga oldi.
«Germaniyadagi birinchi yilimda omadim kelgan, chunki Yupp Xaynkes ham, Karlo Anchelotti ham ispan tilida gaplasha olardi. Keyingi mavsumda Kovach keldi. Har bir murabbiyning o‘z suyuklilari bo‘ladi, lekin men ular qatorida emasdim. U futbolchilar mashg‘ulotdan so‘ng 30 daqiqa davomida velosiped haydashini xohlardi. O‘shanda undan: «Nima uchun bunaqa mashq qilyapman? «Tur de Frans»da qatnashish uchunmi?» deb so‘raganman. Axir men futbolchiman-ku!
Shuningdek, menga nemis tili darslari ham yoqmasdi, ularda shunchaki uxlab qolardim. O‘qishni yoqtirmayman», — deya Rodrigesning so‘zlarini keltiradi Marca.
