«Миннесота Юнайтед» клуби ва Колумбия терма жамоаси ярим ҳимоячиси Хамес Родригес Мюнхеннинг «Бавария» жамоасида тўп тепган кезларини ёдга олди.
«Германиядаги биринчи йилимда омадим келган, чунки Юпп Хайнкес ҳам, Карло Анчелотти ҳам испан тилида гаплаша оларди. Кейинги мавсумда Ковач келди. Ҳар бир мураббийнинг ўз суюклилари бўлади, лекин мен улар қаторида эмасдим. У футболчилар машғулотдан сўнг 30 дақиқа давомида велосипед ҳайдашини хоҳларди. Ўшанда ундан: «Нима учун бунақа машқ қиляпман? «Тур де Франс»да қатнашиш учунми?» деб сўраганман. Ахир мен футболчиман-ку!
Шунингдек, менга немис тили дарслари ҳам ёқмасди, уларда шунчаки ухлаб қолардим. Ўқишни ёқтирмайман», — дея Родригеснинг сўзларини келтиради Marca.
