Daniel Karvaxal Madrid klubidan ketayotgani haqida fikr bildirdi. Himoyachi «qirollik klubi» safidagi so‘nggi o‘yinini La Liganing 38-turida «Atletik»ka qarshi (4:2) o‘tkazdi.
«Xayrli kech, madridistlar. Hozir gapirish men uchun oson emas, chunki bu ajoyib xayrlashuvdan juda ta’sirlandim. Avvalo, prezidentimiz — don Florentino Peresga minnatdorchilik bildirmoqchiman. Aynan u meni Germaniyadan qaytargan va biz birgalikda ko‘plab Chempionlar ligasi sovrinlarini yutganmiz. Lekin agar bitta voqeani alohida ajratib ko‘rsatishim kerak bo‘lsa, bu tizzamdan jarohat olganimdan keyin 24 soat o‘tmasdanoq, u hech ikkilanmay men bilan shartnomani uzaytirganidir.
So‘ngra jamoadoshlarimga rahmat aytmoqchiman. Biz uchun oxirgi ikki mavsum unchalik oson kechmadi, lekin ishonchim komilki, biz yana g‘alaba qozonamiz. Bu — «Real» va tariximiz talab qilganidek, biz yana yuqoriga ko‘tarilishimiz kerak.
«Oltin davrimiz»ni eslamasdan ilojim yo‘q. Biz boshdan kechirgan o‘sha muvaffaqiyatli yillarni unutib bo‘lmaydi. Muazzam bir davr yakuniga yetmoqda: besh yil ichida to‘rtta Chempionlar ligasi, o‘sha Desima (o‘ninchi kubok), ketma-ket uchta g‘alaba, Krishtianu Ronaldu, Serxio Ramos, Karlo Anchelotti, Zinedin Zidan... Ushbu emblemani yuqori ko‘targan son-sanoqsiz nomlar. Ular bizni buyuk qilishdi va eng cho‘qqiga olib chiqishdi», — dedi Karvaxal.
