Даниэль Карвахаль Мадрид клубидан кетаётгани ҳақида фикр билдирди. Ҳимоячи «қироллик клуби» сафидаги сўнгги ўйинини Ла Лиганинг 38-турида «Атлетик»ка қарши (4:2) ўтказди.

«Хайрли кеч, мадридистлар. Ҳозир гапириш мен учун осон эмас, чунки бу ажойиб хайрлашувдан жуда таъсирландим. Аввало, президентимиз — дон Флорентино Пересга миннатдорчилик билдирмоқчиман. Айнан у мени Германиядан қайтарган ва биз биргаликда кўплаб Чемпионлар лигаси совринларини ютганмиз. Лекин агар битта воқеани алоҳида ажратиб кўрсатишим керак бўлса, бу тиззамдан жароҳат олганимдан кейин 24 соат ўтмасданоқ, у ҳеч иккиланмай мен билан шартномани узайтирганидир.

Сўнгра жамоадошларимга раҳмат айтмоқчиман. Биз учун охирги икки мавсум унчалик осон кечмади, лекин ишончим комилки, биз яна ғалаба қозонамиз. Бу — «Реал» ва тарихимиз талаб қилганидек, биз яна юқорига кўтарилишимиз керак.

«Олтин давримиз»ни эсламасдан иложим йўқ. Биз бошдан кечирган ўша муваффақиятли йилларни унутиб бўлмайди. Муаззам бир давр якунига етмоқда: беш йил ичида тўртта Чемпионлар лигаси, ўша Десима (ўнинчи кубок), кетма-кет учта ғалаба, Криштиану Роналду, Серхио Рамос, Карло Анчелотти, Зинедин Зидан... Ушбу эмблемани юқори кўтарган сон-саноқсиз номлар. Улар бизни буюк қилишди ва энг чўққига олиб чиқишди», — деди Карвахаль.