«Nottingem Forest» himoyachisi Neko Uilyams Angliya Premyer-ligasi grandlari nishoniga tushdi. Caught Offside nashri xabariga ko‘ra, 25 yoshli futbolchi xizmatiga «Manchester Yunayted» klubi jiddiy qiziqish bildirmoqda.
Shunga qaramay, «o‘rmonchilar» o‘z yetakchi himoyachisini qo‘yib yuborish istagida emas. «Nottingem Forest» rahbariyati Uilyamsni klubda olib qolish uchun unga yangi, yaxshilangan shartnoma taklif qilmoqchi.
Uilyams joriy mavsumda barcha turnirlarda 52 ta o‘yinda maydonga tushib, 2 ta gol va 4 ta golli uzatmaga mualliflik qildi. Transfermarkt portali futbolchining transfer qiymatini 25 million yevroga baholamoqda. Ma’lumot uchun, APL turnir jadvalida «Manchester Yunayted» 3-o‘rinda borayotgan bo‘lsa, «Nottingem Forest» 16-pog‘onani egallab turibdi.
