Muhammad Saloh Angliya Premyer-ligasining so‘nggi turida «Liverpul»ning «Brentford»ga qarshi o‘yinini asosiy tarkibda boshladi. Yulduz misrlik futbolchi uchun bu «qizillar» safidagi so‘nggi o‘yin hisoblanadi – yozda u erkin agentga aylanadi.
Squawka ma’lumotlariga ko‘ra, bu Salohning o‘z faoliyati davomida APLda asosiy tarkibda maydonga tushgan 300-o‘yini bo‘ldi. Bungacha afrikalik futbolchilar orasida faqatgina Kolo Ture (304 ta o‘yin) bu ko‘rsatkichga erisha olgan edi.
E’tiborlisi, Muhammad ushbu 300 ta o‘yinning 294 tasini «Liverpul» safida, qolgan oltitasini esa avvalgi klubi «Chelsi» tarkibida boshlang‘ich tarkibda o‘tkazgan. Saloh 2017 yildan buyon mersisaydliklar sharafini himoya qilib kelmoqda.
